१७ जेठ, काठमाडौं । चीनसँग डीएलएस पद्धतिका आधारमा पाँच विकेटले पराजित भएपछि नेपाल एसियन गेम्समा छनोट हुन असफल भएको छ ।
आइतबार मलेसियाको बायोमास ओभलमा एसियन गेम्स महिला क्रिकेट छनोटअन्तर्गत तेस्रो स्थानका निम्ति भएको खेलमा पाएको ४३ रनको नयाँ लक्ष्य चीनले अन्तिम बलमा पाँच विकेट गुमाउँदै पूरा गर्यो । वर्षाका कारण खेललाई सात ओभरमा झारिएको थियो ।
चीनकी कप्तान मिनग्यु झुले १८ र चाई युझीले अविजित ११ रन बनाए ।
नेपालका रिया शर्माले दुई र सीता रानामगरले एक विकेट लिए ।
त्यसअघि, टस हारेर ब्याटिङको निम्तो पाएको नेपालले निर्धारित सात ओभरमा पाँच विकेट गुमाउँदै ५० रन बनाएको थियो ।
नेपालकी कविता कुँवरले अविजित २२ रनको योगदान गरिन् । कप्तान इन्दु वर्माले ११ रन बनाइन् । अरू ब्याटरले दोहोरो अंकमा रन जोड्न सकेनन् ।
चीनका मा रुइकेले दुई, मिनग्यु झु र झाओ यिहानले समान एक विकेट लिए
