६ जेठ, काठमाडौं । सशस्त्र प्रहरी बलका प्रहरी नायब महानिरीक्षक (डिआइजी)अञ्जनी कुमार पोखरेल सशस्त्र प्रहरी अतिरिक्त महानिरीक्षक (एआइजी) बढुवाका लागि सिफारिस भएका छन्।

सशस्त्रको साधारण समूहतर्फ रिक्त रहेको एआइजी पदमा डिआइजी पोखरेललाई बढुवा गर्न सिफारिस भएको हो।

गृह मन्त्रालय अन्तर्गतको बढुवा समितिको मंगलबार बसेको बैठकले पोखरेललाई एआइजीमा बढुवा गर्न सिफारिस गरेको हो।

समितिले बढुवा सिफारिस उपर चित्त नबुझे डिआइजीहरूलाई सात दिनभित्र उजुरी सुन्ने समिति समक्ष उजुरी दिन भनेको छ।