काठमाडौँ । नेपाली काँग्रेसका सभापति गगन कुमार थापाले अब पार्टी महाधिवेशनमा केन्द्रित हुने बताएका छन् ।
आज पार्टीको केन्द्रीय समितिको बैठकलाई सम्बोधन गर्दै सभापति थापाले अब पार्टीका सबै विषय महाधिवेशनको हलनै तय गर्ने बताएका हुन् ।
केन्द्रीय समितिले राजीनामा अस्वीकृत गरेपछि बैठकमा सहभागी हुदै सभापति थापाले आफुले आफ्नो कर्तव्य ठानेर कुनै दबाब बिना राजीनाम दिएको तर केन्द्रीय समितिले अस्वीकृत गरेपछि अब यो विषय सकिएको बताएका हुन् ।
उनले आफुले हतारमा राजीनामा नदिएको बताउदै भने मैले कुनै हतारोमा आएर राजीनामा दिएको पनि होइन । हतास भएर राजीनामा दिएको पनि होइन । विशेष महाधिवेशन नगरी निर्वाचनमा गएका थियौं भने त्यो निर्वाचनमा हामीले कसरी सामना गर्नुपर्थ्यो भन्ने कुरा निर्वाचित भएका र हामी निर्वाचित नभएकाले पनि बुझेका छौं ।
उनले चुनावपछि काँग्रेसको नयाँ जिम्मेवारी आएको बताउदै आफुहरुले मतदाताले दिएको जिम्मेवारी अनुसार काम गर्ने बताएका छन् । उनले सरकारमा नभएपनि चुनावका बेला जनतासँग गरेका प्रतिज्ञाहरुमा काम गर्ने बताएका छन् ।
साथै सभापति गगन थापाले निर्वाचनबाट निर्वाचित हुने रास्वपा र त्यसको नेतृत्वलाई बधाई दिएका छन् । बैठकमा बोल्दै रास्वपा र त्यसको नेतृत्वलाई बधाई दिएका हुन् ।
सरकारसँग बढी तागत भएको बेलामा प्रतिपक्षको पनि जिम्मेवारी हुने बताउँदै नयाँ भूमिका आफूहरुले पनि प्राप्त गरेको बताए । उनले सरकारको गतिमा कांग्रेसको साथ रहने बताए । “पाँच वर्ष मुलुक दुर्घटनामा पर्न हुँदैन । सरकारले पाँच वर्ष पूरा गर्नुपर्छ,” थापाले भने ।
