सिन्धुली, चैत २- सिन्धुलीको नेपाल टेलिकमको टावरमा शक्तिशाली प्रेसरकुकर बम विस्फोट भएको छ । सुनकोशी गाउँपालिका १ दुम्जा स्थित टेलिकमको टावरमा बिहान करिव ३ बजेको समयमा कुकर बम विस्फोट गराइएको हो ।

जिल्ला प्रहरी कार्यालय सिन्धुलीका अनुसार बम विस्फोटबाट दुम्जामा रहेको विपी पार्क नजिकै रहेको टेलिकमको टावर तथा घरमा क्षति पुगेको छ । उक्त स्थानमा शुक्रबार बिहान बम विस्फोट भएको सिन्धुलीका प्रहरी नयव उपरीक्षक तथा प्रवक्ता चिरन्जिवी दाहालले जानकारी दिए ।

विस्फोट भएको स्थलमा पिपुल विब्रेसन आर्मी लेखेको जनमुक्ती सेना लेखेको पर्चा भेटिएको प्रहरीले जनाएको छ ।

उक्त घटनामा संलग्नको खोजिकार्य सुरु गरिएको प्रहरीले जनायो ।