हेटौंडा, असोज ६- मकवानपुरको भीमफेदी गाउँपालिका जुरिखेतमा यात्रु बस दुर्घटना हुँदा ७ जनाको मृत्यु भएको छ ।

काठमाडौंबाट हेटौंडाका लागि छुटेको ना ३ ख ७८५८ नम्बरको बस भीमफेदीको एघार घुम्तीको आरोलोमा सडकबाट तल खसेर दुर्घटना भएको गाउँपालिकका उपाध्यक्ष सञ्जिव श्रेष्ठले जानकारी दिए ।

प्रहरीकाअनुसार ६ जनाको घटनास्थलमै र १ जनाको उपचारका लागि अस्पताल लैजाने क्रममा बाटोमा मृत्यु भएको हो ।

ओरालो बाटोमा माथिल्लो घुम्तिबाट खसेको बस तल्लो घुम्तीमा पुगेर अड्डिएको छ ।

मृतकहरूको पहिचान खुल्न सकेको छैन । तत्कालै घटनास्थल पुगेको प्रहरीले स्थानीयको सहयोगमा घाइतेको उद्धार गरिरहेको छ । बसमा ३२ जना सवार रहेका बताइएकाे छ । दुर्घटनामा अन्य कैयाै‌ यात्रु घाइते भएका छन् ।

घाइतेहरुको हेटौंडाका अस्पतालहरूमा उपचार भइरहेको छ ।