काठमाडौं, साउन १३- कैलालीको धनगढी उपमहानगरपालिका–१३ राजपुरमा बिहीबार बेलुकी सडकमा रहेको गाईलाई ठक्कर दिएर मोटरसाइकल अनियन्त्रीत भएर पल्टिँदा एक जनाको मृत्यु भएको छ भने एक जना घाइते भएका छन् ।

अत्तरियाबाट धनगढीतर्फ आउँदै गरेको से ६ प ८०२८ नम्बरको मोटरसाइकल सडकमा रहेको गाईलाई ठक्कर दिएर पल्टिँदा मोटरसाइकलको पछाडी सवार सोही उपमहानगरपालिका–१ बस्ने अन्दाजी ५५ वर्षीय निर्मल हमालको मृत्यु भएको हो ।

दुर्घटनामा घाइते भएका हमालको धनगढीस्थित मायामेट्रो अस्पतालमा उपचारकै क्रममा मृत्यु भएको प्रहरीले जनाएको छ ।

शवलाई पोष्टमार्टमको लागी सेती प्रादेशिक अस्पताल धनगढी पठाईएको छ ।

यस्तै, घाइते भएका मोटरसाइकल चालक सोही उपमहानगरपालिका–३ विशालनगरका ४४ वर्षीय विरेन्द्र शर्माको सोही अस्पतालमा उपचार भईरहेको छ ।

घटनाको प्रहरीले थप अनुसन्धान गरिरहेको छ ।