१७ भदौ, काठमाडौं । पूर्वप्रधानमन्त्री पुष्पकमल दाहाल (प्रचण्ड)ले रसुवाको भोटेकोसी नदीमा आएको बाढीपछि विपद् व्यवस्थापनसम्बन्धी कामको विषयलाई लिएर बालेन सरकार प्रति कटाक्ष गरेका छन् ।
आज प्रतिनिधिसभा बैठकमा प्रचण्डले प्रधानमन्त्री वालेन्द्र शाहमा देशमा संकट आउँदा पनि कुनै विनम्रता र सहकार्यको भाव नदेखिएको भन्दै टिप्पणी गरेका हुन् ।
“प्रधानमन्त्रीजी यहाँ आएर ब्रिफिङ गर्नुभयो । त्यसका लागि धन्यवाद । तर, यहाँ बोल्नुभयो हिँड्नुभयो, उहाँले हाम्रो मुखसमेत हेर्न चाहनुभएन, प्रचण्डले भने, यस्तै व्यवहारले सहकार्य हुनसक्छ ?”
सेना परिचालनमा मात्र ध्यान दिँदा राज्यका सबै संयन्त्र परिचालनमा सरकार चुकेको बताएका प्रचण्डले प्रधानमन्त्रीको व्यवहारमा प्रश्न उठाए ।
“तपाईंहरू बोल्नुपर्ने कुरा सामाजिक सञ्जालबाट भन्दै हुनुहुन्, प्रचण्डले भने, सामाजिक सञ्जालबाट तपाईंहरूले चुनाव त जित्नुभयो, यो संकटबाट पार लगाउन सक्नुहुन्न ।
