काठमाडौं, चैत २९- पत्रकार सुरेश रजकको सम्झनामा वसन्तपुरमा शुक्रबार साँझ श्रद्धाञ्जली सभा आयोजना गरिएको छ ।
रजकका शुभचिन्तकहरुले वसन्तपुरको महादेव–पार्वती डबलीमा श्रद्धाञ्जली अर्पण गर्दै उक्त सभा आयोजना गरेका हुन् ।
श्रद्धाञ्जली सभामा उनिहरूले दीप प्रज्वलन गर्दै श्रद्धाञ्जली अर्पण गरेका छन् । साथै उनीहरूले श्रद्धाञ्जली सभामा सुरेशको नाममा मैनबत्ती बालेका थिए भने उनको सम्झनामा एक मिनेट मौनधारण पनि गरिएको थियो ।
गत चैत १५ गते राजावादी समूहले गरेको प्रदर्शनका क्रममा घरभित्र रहेका रजकको जलेर मृत्यु भएको थियो ।
