काठमाडौं । नेकपा माओवादी केन्द्रनिकट पत्रकारहरूको संगठन प्रेस सेन्टर नेपालकाे बरिष्ठ उपाध्यक्षमा सुदिप बर्देवाले उम्मेदवारी दिएका छन्।
बिगत १८ बर्षदेखि पत्रकारीता क्षेत्रमा समर्पित बर्देवासँग रेडियो टेलिभिजन र अनलाईन संचार माध्ययमको राम्रो अनुभव रहेकाे छ।
बर्देवाले २०६६ साल देखि २०७९ सालसम्म तत्कालीन नेकपा माओवादीको रेडियो, रेडियो मिर्मिरेमा कार्यक्रम प्रस्तोता, कार्यक्रम संयोजक हुदै ३ बर्षसम्म स्टेसन म्यानेजरको भुमिकामा रहेर समेत काम गरेका थिए ।
नाकाबन्दी, २०७२ सालको बिनासकारी भुकम्प र कोरोना संक्रमणकालको संकटपुर्ण समयमा समेत रेडियोलाई बचाउन र अगाडि बढाउन महत्वपुर्ण भुमिका खेलेको भन्दै माओवादी पर्टी भित्र उनको प्रसम्सा हुने गरेको छ।
यस्तै उनिसँग १ बर्ष बागमति टेलिभिजनमा बजार प्रमुखको भुमिकामा काम गरेको अनुभव छ भने उनले अहिले छाता मिडिया ग्रुप प्रा.लि को नेतृत्व गरिरहेका छन् ।
बर्देवा अहिले मेनस्टृमको मिडिया, एभिन्युज टेलिभिजनमा शिक्षा बिटको प्रमुखको भुमिकामा कार्यरत छन् ।
अहिले नेकपा माओवादी केन्द्र निकट प्रेस सेन्टर नेपालको काठमाडौंमा जारी ५ औ महाधिवेशनमा बर्देवाले बरिष्ठ उपाध्यक्षको उम्मेदवारी दिएका हुन।
