काठमाडौं, साउन २३- नेपाली बजारमा आज सुनको मूल्य घटेको छ । कारोबार साताको दोश्रो दिन सोमबार घटेको सुनको मूल्य आज तेश्रो दिन पनि घटेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा ३०० रुपैयाँले घटेर १ लाख १२ हजार १०० रुपैयाँमा कारोबार भइरहेको छ ।

यस्तै तेजावी सुन तोलामा १ लाख ११ हजार ५५० रुपैयाँमा कारोबार भइरहेको छ ।

आज चाँदीको मूल्य पनि घटेको छ । बिहीबार, शुक्रबार, आइतवार र सोमबार प्रतितोला १ हजार ४२५ रुपैयाँमा कारोबार भएकोमा आज भने २५ रुपैयाँ घटेर १ हजार ४०० रुपैयाँमा कारोबार भइरहेको छ ।