Advertisement
काठमाडौं, असोज ७- काठमाडौं कागेश्वोरी मनोहरा नगरपालिका वडा नम्बर-६ मा रहेको नेपाल राष्ट्रिय निर्माण माध्यमिक विद्यालयको व्यवस्थापन समिति अध्यक्षमा प्रकाश फुयाल चयन भएका छन् । सोहि वडाका वडाध्यक्षसमेत रहेका फुयाल विद्यालयको व्यवस्थापन समितिको अध्यक्ष बनेका हुन् ।
विद्यालयका प्रधानाध्यापक पुरुषोत्तम पहाडीकाअनुसार विद्यालयको व्यवस्थापन समितिको अध्यक्ष चुन्न गत भदौ २१ गते सम्पन्न अभिभावक भेलाबाट ४ जना, नगर शिक्षा समितिबाट २ जना र वडा कार्यालयबाट १ जना सिफारिस गरिएको थियो । ती नै ७ जनामध्येबाट फुयाल सर्वसम्मत अध्यक्ष चयन भएका हुन् ।
अब प्रधानाध्यापक र एक शिक्षक प्रतिनिधिसहित ९ जनाको विद्यालयको व्यवस्थापन समिति बनेको प्रधानाध्यापक पहाडीले हाम्रोसंचारलाई जानकारी दिए ।
उक्त विद्यालय नगरपालिका भित्रका सामुदायिक विद्यालयमध्ये नमुना विद्यालयका रुपमा चिनिएको छ ।
यो पनि पढ्नुहोस्- मुलपानीको नेपाल राष्ट्रिय निर्माण मा.वि मा पढ्न आउने विद्यार्थीले पछुताउनु पर्दैन : प्रधानाध्यापक पहाडी (भिडिओ)
