काठमाडौं । अमेरिकामा तीव्र आँधीसहितको भारी हिमपातका कारण विमानस्थल बन्द हुँदा हजारौँ उडान रद्द गरिएका छन्।
आइतबारदेखि मंगलबारसम्म ११ हजार ५५ भन्दा बढी उडान स्थगन भइसकेका छन्।
उडान ट्र्याकिङ कम्पनी फ्लाइटअवेयरका अनुसार सोमबार मात्र ५,६०० देखि ५,७०० सम्म उडान रद्द गरिए, अमेरिकाभरका सबै उडानको लगभग २० प्रतिशत हो।
अमेरिकाको राष्ट्रिय मौसम सेवाका अनुसार, रोड आइल्यान्ड र म्यासाचुसेट्सका केही भागमा झन्डै ३७ इन्चसम्म हिउँ जमेको छ।
हिमपातका कारण उत्तरपूर्वी राज्यहरूमा ६ लाखभन्दा बढी घरमा बिजुली आपूर्ति बन्द भएका छन्।
सोमबार साँझसम्म ५ लाख १९ हजार २३२ घर र कार्यालय बिजुलीविहीन भए।
भारी हिमपातका कारण बोस्टन ग्लोबले आफ्नो १५३ वर्षको इतिहासमा पहिलोपटक आफ्नो पत्रिका छाप्न सकेन।
किनकि हिउँका कारण कर्मचारी छापाखानामा पुग्न सकेनन् ।
