काठमाडौं । नेकपा एमालेको पोलिटब्युरो बैठकमा अहिलेसम्म ३२ जना नेताहरूले आफ्नो धारणा राखेका छन्। बैठक अहिले पनि पार्टी मुख्यालय च्यासलमा जारी रहेको प्रचार विभाग प्रमुख राजेन्द्र गौतमले बताए।
बैठकमा अझै ४० जनाले बोल्न बाँकी रहेको बताए। प्रधानमन्त्री समेत रहेका अध्यक्ष केपी ओलीले बैठक आजै ५ देखि ६ बजेभित्रमा बैठक सक्ने निर्देशन दिएको बताए।
विधान संशोधन प्रस्तावबाहेक ७० वर्षे उमेर हद, दुई कार्यकालको व्यवस्था, पूर्व उपराष्ट्रपति विद्या भण्डारीको सक्रियतालगायतको विषयमा केन्द्रित रहेर नेताहरूले धारणा राखेको उनले बताए।
बैठकमा नेताहरूले जिल्ला कमिटीलाई समन्वय बनाएर प्रदेश र स्थानीय कमिटीलाई कार्यकारी बनाउन सुझाव आएको पनि बताए ।
