काठमाडौं । अमेरिकाको राजधानी वासिङटन डीसीका स्थानीय समयअनुसार ९ बजे भएको गोलाबारीमा परेर दुई इजरायली दूतावासका कर्मचारीको मृत्यु भएको छ ।
मृत्यु हुनेमा यारोन लिस्चिन्की र सारा मिल्ग्राम छन् । उनीहरुको राजधानीको यहुदी संग्रहालय नजिकै भएको गोलाबारीमा परेर मृत्यु भएको बेलायती विश्व सेवा बीबीसीले उल्लेख गरेको छ ।
बीबीसीका अनुसार घटनामा संलग्न भएको आशंकामा ३० वर्षका एक युवा इलियास रोद्रिगेज पक्राउ परेका छन् । उनी सिकागोका भएको बताइएको छ ।
उनलाई प्रहरी नियन्त्रणमा लिँदा ‘प्यालेस्टानलाई मुक्त गर’ भनेर बताइएको छ । घटनामा संभावित ‘आतंकवाद’को अनुसन्धान गरिने बीबीसीले बताएको छ ।
घटनाको बेलायती प्रधानमन्त्री केइर स्टार्मर पनि निन्दा गरेका छन् । यहुदी बिरोधी कर्म भन्दै उनले निन्दा गरेका हुन् । अमेरिकी उपराष्ट्रपति जेडी भेन्सले घटनालाई हृदय बिदारक भनेर चित्रित गरेको बीबीसीले उल्लेख गरेको छ ।
