प्रधानमन्त्री ओलीले गरे सहिद स्मारक र सहिदगेटमा पुष्पहार अर्पण
काठमाडौं । प्रधानमन्त्री केपी शर्मा ओलीले काठमाडौँस्थित सहिद स्मारक र सहिदगेट पुगेर सहिदहरूप्रति श्रद्धाञ्जली अर्पण गरेका छन्।
सहिद दिवसका अवसरमा आज ओलीले प्रजातन्त्र र गणतन्त्रका लागि जीवन उत्सर्ग गर्ने सहिदको सम्मानमा शालिकमा पुष्पहार अर्पण गरेका हुन्।
प्रजातन्त्र स्थापना एवं पुनःस्थापना तथा विभिन्न कालखण्डमा स्वतन्त्रताका लागि बलिदान दिने सहिदको सम्झनामा विविध कार्यक्रम गरी आज देशभर सहिद दिवस मनाइँदै छ ।
विसं २००७ पछि हरेक वर्ष माघ १६ गते विभिन्न कार्यक्रमसहित सहिद दिवस मनाउने गरिएको छ ।
सो क्रममा उपप्रधानमन्त्री, मन्त्रीहरू, विभिन्न राजनीतिक दलका नेता तथा सांसद, सरकारी उच्च तहका कर्मचारी, सुरक्षा अङ्गका प्रमुख, काठमाडौँ महानगरपालिकाकी उपप्रमुखलगायले सहिदहरूप्रति श्रद्धाञ्जली प्रकट गरे।
प्रधानमन्त्री ओलीको प्रमुख आतिथ्यतामा सिंहदरबार परिसरमा आजै सहिद दिवस विशेष समारोह आयोजना गरिएको छ।
