काठमाडौं । पाँच दिने भ्रमणका लागि भारत गएकी परराष्ट्रमन्त्री आरजु राणा देउवाले आज भारतीय प्रधानमन्त्री नरेन्द्र मोदीसँग भेटवार्ता गदैछिन्।
राणा भारतीय विदेशमन्त्री एस जयशंकरको निमन्त्रणामा आइतबार छिमेकी मित्र राष्ट्र भारत भ्रमणमा गएकी हुन्।
उनले आजै भारतीय विदेशमन्त्री एस।जयशंकर लगायतका नेतासँग पनि भेटवार्ता गर्ने कार्यक्रम छ।
आइतबार नयाँदिल्ली पुगेकी मन्त्री राणालाई इन्दिरा गान्धी राणालाई नयाँ दिल्लीस्थित इन्दिरा गान्धी अन्तर्राष्ट्रिय विमास्थलमा भारतका लागि नेपालका कार्यवाहक राजदूत सुरेन्द्र थापा र भारतीय विदेश मन्त्रायका उत्तरी महाशाखा प्रमुख अनुराग श्रीवास्तवले स्वागत गरेका थिए।
मन्त्री राणाको सम्मानमा कार्यवाहक राजदूत थापाले आइतबार राति नेपाली दूतावास बाह्रखम्बामा रात्रिभोज आयोजना गरेका थिए।
मन्त्री राणाको भ्रमण दलमा परराष्ट्र मन्त्रालयको दक्षिण एसिया महाशाखा प्रमुख सहसचिव भृगु ढुंगानालगायत सहभागी छन्।
त्यसैगरी राणाका छोरा जयवीर सिंह देउवा, बुहारी शिवाना श्रेष्ठ, भाइ भूषण राणा, आमा प्रतिभा राणा र अन्य पारिवारिक सदस्य पनि अहिले नयाँ दिल्लीमै छन्। राणा भदौ ६ मा स्वदेश फर्कने कार्यक्रम छ ।
