काठमाडौं । नेपाली कांग्रेसका सांसद रामहरि खतिवडाले प्रतिनिधिसभा बैठकमा पूर्वप्रधानमन्त्री केपी ओलीको भनाइमा आपत्ति जनाएका छन् । ओलीले बोलिरहँदा नियमापत्ति जनाउँदै सांसद खतिवडाले विरोध गरेका हुन् ।

सांसद खतिवडाले भने, पूर्वप्रधानमन्त्रीले यहाँ न्युनतम साझा कार्यक्रमबारे बोल्नुभयो । न्युनतम साझा कार्यक्रमको अनुहार रुप हामीले देख्न पाएका छैनौं । त्यसैले कुनै बार्दलीमा ल्याइएको कार्यक्रम यहाँ प्रस्तुत नगरियोस् सभामुख महोदय ।

केपी ओलीले भने आइतबारको बैठकमा नेपाली कांग्रेसलाई प्रतिपक्षमा बस्न सकस भएको भन्दै उत्पन्न हुनसक्ने अस्थिरता कांग्रेसका लागि प्रतिउत्पादक हुने चेतावनी दिएका थिए । साथै कांग्रेसको व्यवहार लोकतन्त्रको प्रतिकुल रहेको आरोप लगाएका थिए ।