काठमाडौँ । बाढीपछि ११औँ दिन बेत्रावतीबाट जीवितै उद्धार गरिएकी ६५ वर्षीया चण्डिका श्रेष्ठको परिवारले उनको काजकिरिया समेत सुरु गरिसकेको खुलेको छ ।

आठ दिनसम्म खोज्दा पनि नभेटिएपछि परिवारले चण्डिका जीवित नरहेको ठानेर कुशको शव बनाएर दाहसंस्कार गरी काजकिरिया सुरु गरेको थियो । बाढीले उनको चारतले घर करिब सय मिटर तल बगाएर गेग्रानमा पुरेको थियो ।

शनिबार घरको माथिल्लो भागबाट आवाज आएपछि सशस्त्र प्रहरी र नेपाल प्रहरीको टोलीले झ्याल फुटाएर हिलोमा पुरिएकी चण्डिकाको जीवितै उद्धार गरेको हो ।