Advertisement
काठमाडौं । राष्ट्रपति रामचन्द्र पौडेलले शारदीय नवरात्रको अवसरमा काठमाडौं उपत्यकाका ९ वटा शक्तिपीठमा पूजाआराधना तथा दर्शन गरेका छन्।
आज राष्ट्रपति पौडेलले नक्साल भगवती, गुह्येश्वरी, मैतीदेवी, कालिकास्थान, भद्रकाली, नरदेवी, रक्तकाली, शोभाभगवती र इन्द्रयणी मन्दिर पुगेर पूजाआराधना गरेका हुन्।
दर्शनका क्रममा उनले शक्तिपीठका पुजारीबाट टीका तथा प्रसाद ग्रहण गरेका थिए। उक्त अवसरमा राष्ट्रपति पौडेलसँग प्रथम महिला सविता पौडेल पनि सहभागी थिइन्।
शारदीय नवरात्रका बेला शक्तिपीठहरूमा विशेष पूजाआराधना गर्ने धार्मिक परम्परा रहिआएको छ।
