Advertisement
२७ असोज, काठमाडौं । नेपाली कांग्रेसको १५औँ महाधिवेशनबाट सहमहामन्त्री खुलातर्फ रामहरि खतिवडा र अजयबाबु शिवाकोटी निर्वाचित भएका छन्।
प्राप्त मतपरिणामअनुसार खतिवडाले २ हजार ९१९ मत प्राप्त गर्दा शिवाकोटीले २ हजार ७२ मत पाएका छन्। खतिवडा सर्वाधिक मतसहित विजयी भएका हुन्।
यसैगरी डिल्लीराम सुवेदीले १ हजार ८५१, देवेन्द्रराज कण्डेलले १ हजार ३८२, राजीव ढुंगानाले १ हजार २४१ र विकास कोइरालाले १ हजार १४९ मत प्राप्त गरेका छन्।
त्यस्तै अमृतकुमार अर्यालले १ हजार ३९, रमेश धमलाले ८२१ र विमल क्षेत्रीले २८२ मत पाएको खतिवडाले जानकारी दिएका छन्।
निर्वाचन समितिले भने मतगणनाको अन्तिम नतिजा औपचारिक रूपमा घोषणा गर्न बाँकी रहेको छ।
