दोहा ।  संखुवा-सभा समाज कतारको अध्यक्षमा राजेन्द्र खनाल निर्विरोध निर्वाचित भएका छन् l
“संखुवासभालिको पहिचान, बिश्व सामु चिनाउने हाम्रो अभियान ” भन्ने नाराका साथ सन: २०१६ मा स्थापना गरिएको संस्थाको तेस्रो अधिवेशनबाट अध्यक्षमा राजेन्द्र खनाल निर्विरोध निर्वाचित भएका हुन
साधारण सभाबाट अध्यक्ष सहित २१ जनाको नयाँको नयाँ कार्यसमिति निर्विरोध निर्वाचित भएका छन् । जसमा प्रथम उपाध्यक्ष बिरेन मादेन लिम्बु, द्वितीय उपाध्यक्ष भवानी शंकर पौडेल, महासचिव पदम प्र. सिम्खडा,सचिव भिम ब. थापा,सचिव अशोक न्यौपाने, कोषाध्यक्ष शिव कु. खत्री,सह-कोषाध्यक्ष मान बहादुर तामाङ रहेका छ्न भनें सदस्यहरु उमेश सुवेदी, प्रबिण गौतम, डम्बर अधिकारी, कञ्चन भट्टराई, बुद्धिमान खुलाल, सन्तोष बि.क, दिपेन्द्र कार्की, किरण कट्टेल, पृर्थ बहादुर थापा, दिलिप भुसाल, प्रकाश लिम्बू, कृष्णा राई,डाेमा शेर्पा राई रहेका छन् l
कार्यक्रममा संस्थाका कार्यवाहक अध्यक्ष निरन नेपालको सभापतित्वमा तथा कोशि प्रदेश कतारका अध्यक्ष चुडामणि कार्कीको प्रमुख आथित्यता रहेको थियो भने कतारमा स्थापित विभिन्न जिल्ला, प्रदेश परिषद्, वैचारिक सङ्गठन, महिला समाज, पत्रकारहरू, जातिय सङ्घसंस्थाहरूका अध्यक्ष तथा प्रतिनिधीहरुको बाक्लो उपस्थिति रहेको थियो ।
कार्यक्रममा प्रमुख अतिथि कार्कीले मन्तव्यका क्रममा संखुवासभा समाज कतार सामाजिक तथा आर्थिक टेवा पुर्‍याउने कार्यमा अग्रणी रहेको भन्दै संस्थाले गरेको सामीजिक र मानविय कार्यको मुक्तकण्ठले प्रशंसा गरेका थिए ।समाजले कतार तथा नेपालमा गरेका विभिन्न सामाजिक, मानविय , आर्थिक, नैतिक कार्यहरु उदाहरणीय रहेको र आगामी दिनहरुमा पनि यस्ता कार्यहरुले निरन्तरता पाउने विश्वास लिएको बताए ।समाजले गरेका उल्लेखनीय कार्य प्रगति प्रतिबेदनमा देखिएको भन्दै समाज स्थापना गर्नु भन्दा ठुलो यहाँ रहेका श्रमजिवि नेपालीहरुको पक्षमा काम गर्नु रहेको भन्दै कार्कीले आफ्ना महत्वपूर्ण भनाइहरु राखेका थिए ।
कार्यक्रममा लुना खतिवडा, रेस्मा प्याकुरेल, बिरेन मादेन, मान बहादुर थापा र नारायण न्यौपाने लगायतका स्थानिय कलाकारहरुको विशेष सांस्कृतिक प्रस्तुतिहरुले हलमा खचाखच रहेका सम्पुर्णलाई भरपुर मनोरञ्जन पस्किएका थिए । कलाकार ,सल्लाहकार लगायतलाई सम्मान पत्र द्वारा र कार्यवाहक अध्यक्ष निरन नेपाललाई संस्थालाई पुर्याएको अतुलनीय योगदानको उच्च मुल्यांकन गर्दै दोसल्ला ओढाएर सम्मान गरिएको थियो ।

कार्यवाहक अध्यक्ष निरन नेपालले कार्यक्रमको समापन गर्दै संखुवासभा समाज कतारले गरेका विभिन्न कार्यहरुलाई आगामी दिनमा पनि निरन्तरता दिंदै सबैको साथ सहयोग लिएर संस्थाको गरिमा थप उचाईमा पुर्याउन आफ्नो व्यक्तिगत र संस्थागत तवरबाट कुनै कसर बाँकी नराख्ने बताउँदै निमन्त्रणालाई स्विकार गरेर कार्यक्रममा पाल्नुहुने सम्पुर्णमा धन्यवाद प्रकट गर्दै खुल्ला सत्र कार्यक्रमको समापन गरेका थिए । कार्यक्रमको सहजीकरण महासचिव पदम प्र. सिम्खडा र स्वागत मन्तव्य बिरेन मादेनले राखेका थिए ।