काठमाडौं । नेकपा (एमाले)का नेता महेश बस्नेतले नेकपा (माओवादी केन्द्र)का संयोजक पुष्पकमल दाहाल प्रचण्डुमाथि अनुसन्धान गरेर कारबाही हुनुपर्ने बताएका छन् । शुक्रबार पार्टीको केन्द्रीय कमिटी बैठकमा बस्नेतले प्रचण्डसहित रवि लामिछाने र बालेन शाहमाथि अनुसन्धान हुनुपर्ने बताएका हुन्।
जेनजी आन्दोलनमा उनीहरूको भूमिका शंकास्पद देखिएकाले अनुसन्धान हुनुपर्ने उनको भनाइ छ ।
बस्नेतले जेनजी आन्दोलनलाई हस्तक्षेप गर्दै आपराधिक गतिविधि भएको जिकिर गरे । मुलुकको राष्ट्रिय स्वाधीनताका साथै विकास र समृद्धिमा एमालेले खेलेको भूमिकाका कारण आफूहरूमाथि सबैभन्दा बढी आक्रमण भएको उनले बताए ।
सरकारले राजनीतिक दलका नेताहरूलाई भ्रष्टाचारको अभियोग लगाएर निर्वाचनमा उठ्न नदिने षडयन्त्र उनको आरोप छ । त्यसविरुद्ध सडक संघर्ष गर्नुपर्नेमा आफूले जोड दिएको उनले बताए ।
पार्टीभित्र एकताको आवश्यक रहेको र अध्यक्ष केपी ओलीको विकल्प खोज्न नहुने आफूले धारणा राखेको उनले बताए ।
