विराटनगर । प्रहरीले सुनसरीको धरानमा गोली चलाएर २ गाडी गाँजा नियन्त्रणमा लिएको छ ।

लागूऔषध गाँजा लिएर आउँदै गरेको गाडी भगाउन खोजेपछि प्रहरीले गोली चलाएर गाजा नियन्त्रणमा लिएको हो ।

गाँजा लिएर धरानतर्फ आउँदै गरेको गाडीलाई प्रहरीले नियन्त्रणमा लिन खोजेको थियो । त्यस क्रममा चालक भाग्न खोजेका पछि गोली चलाएर चालकलाई नियन्त्रणमा लिएको प्रहरीले जनाएको छ ।

प्रहरीले ४ राउण्ड गोली चलाउनु परेको सुनसरी प्रहरीका प्रवक्ता डीएसपी रामप्रसाद तिमल्सिनाले बताए ।

प्रहरीले २ वटा गाडीबाट ६ सय किलोग्राम गाँजा नियन्त्रणमा लिएको छ ।चालकमध्ये १ जना पक्राउ परेका छन् ।