Advertisement
२४ भदौ, काठमाडौं । इरानले अमेरिकाको एक अत्याधुनिक पनडुब्बी नियन्त्रणमा लिइएको दाबी गरेको छ।
यो दाबी इरानको रिभोलुसनरी गार्ड्सनिकट समाचार एजेन्सी फार्स न्युजले गरेको हो।
फार्सका अनुसार यो पनडुब्बी अमेरिकी सेनाको सबैभन्दा आधुनिक र ुइन्टेलिजेन्ट अनम्यान्ड पनडुब्बीुमध्ये एक हो।
एजेन्सीको दाबी छ, ‘यसलाई हर्मुज जलमार्गको प्रवेशद्वार नजिकैबाट नियन्त्रणमा लिइएको हो।’
फार्सले पनडुब्बी कहिले र कसरी नियन्त्रणमा लिइयो भन्ने विषयमा विस्तृत विवरण भने दिएको छैन।
साथै यस विषयमा अमेरिकाबाट अहिलेसम्म कुनै प्रतिक्रिया आएको छैन।
इरान र अमेरिकाबिच फेरि द्वन्द्व बढिरहेका बेला यो समाचार आएको हो।
केही दिनअघि मात्र इरानले आफ्नो सैन्य रणनीति परिवर्तन गर्ने बताएको थियो।
