दोलखा, साउन ६- दोलखाको भीमेश्वर नगरपालिका-४ स्थित जिलुमा टेम्पु दुर्घटना हुँदा चार जना घाइते भएका छन् ।
दुर्घटनामा जिलुकी २० वर्षीया करिस्मा चौलागाई, २८ वर्षीया अन्जु केसी, २८ वर्षकी सविता केसी र चालक ३१ वर्षीय दिपेन्द्र चौंलागाई घाइते भएका छन् ।
घाइतेमध्ये २० वर्षीया करिस्माको अवस्था गम्भीर रहेको जिल्ला प्रहरी कार्यालय दोलखाले जानकारी दिएको छ ।
सदरमुकाम चरिकोटबाट जिलुतर्फ जाँदै गरेको टेम्पु सडकबाट करिब १२० मिटर तल खसेको थियो ।
घाइतेहरुको पशुपति चौलागाई स्मृति अस्पतालमा उपचार भैरहेको बताइएको छ ।
