काठमाडौं । नेकपा एकीकृत समाजवादी पार्टीका अध्यक्ष माधवकुमार नेपालले केपी शर्मा ओली बौलाएर हिँडेका टिप्पणी गरेका छन् । आज बिहिबार बिहान पार्टी प्रवेश कार्यक्रमलाई सम्बोधन गर्दै अध्यक्ष नेपाले आफूहरुले टक्कर दिएपछि ओली बौलाएर हिँडेका बताएका हुन् ।

केपी ओलीलाई कसैले ढाल्न सक्दैन भन्नेहरूलाई आफूहरूले ढालेर देखाएको उनको भनाइ थियो । नेपालले स्वार्थी मान्छेहरुले जनतालाई गफले अल्मलाएको समेत बताएका छन् ।

नेपालले भने, ‘झूटो प्रचार गरेर अल्मल्याउन सक्छ। हावा गफ गरेर अल्मल्याउन सक्छ। त्यसभित्र केही तत्वहरु हुन सक्छ। जसमा स्वार्थपन रहेको हुन्छ। स्वार्थमा गाजिएका हुन्छन्। केही केही पार्टीहरू देख्नुभएको छ। गफाडीको गफ गर्ने थलो भएको छ ।’