काठमाडौं । हप्ताको पहिलो दिन आइतबार आज सुन चाँदीको मूल्य बढेको छ । सुनको मूल्य आज तोलामा ६ सय रुपैयाँले बढेको हो भने चाँदी आज तोलामा १० रुपैयाँले बढेको छ । नेपाल सुन चाँदी व्यवसायी महासङ्घका अनुसार सुनको भाउ आज तोलामा एक लाख ५ सय रुपैयाँ तोकिएको छ ।

अस्ति तोलामा ९९ हजार ९ सय रुपैयाँ थियो । यस्तै, चाँदी आज तोलामा १ हजार ३ सय ८० रुपैयाँ छ । अस्ति शुक्रवार तोलामा १ हजार ३ सय ७० रुपैयाँमा किनबेच भएको थियो ।