सुर्खेत, साउन ११– सुर्खेतमा गुडिरहेको बसमाथि ढुंगा खसेर लाग्दा एक जनाको मृत्यु भएको छ । मृत्यु हुनेमा दैलेखको भगवतीमाई गाउँपालिका–१ की १७ वर्षीया पार्वती शाही रहेकी छन् ।

उनको उपचारको क्रममा कर्णाली प्रदेश अस्पतालमा मृत्यु भएको प्रहरीले बताएको छ ।

काठमाडौंबाट विरेन्द्रनगरका लागि छुटेको ना ७ ख ५८११ नम्बरको बसमाथि भेरीगंगा नगरपालिका वडा नम्बरं २ पैसठ्ठी आइपुग्दा माथिबाट ढुङगा खसेर लागेको थियो ।

ढुङ्गा लागेर सवारी चालक पछाडिको सिटमा बसेका दुई जना घाइते भएका छन् ।

३१ जना सवार उक्त गाडी चालक वीरेन्द्रनगर नगरपालिका –३ का २९ बर्षीया नमबहादुर रोकाया प्रहरीको नियन्त्रणमा रहेका छन् ।