हेटौंडा, जेठ १- मकवानपुरका थाहा नगरपालिकाकी एक युवतीले छिमेकीलाई निर्घात कुटपिट गरेकी छिन् । छोटो लुगा लगाएर हिँडेको विषयमा कुरा काटेको भन्दै युवतीले छिमेकको अर्की युवती कुटपिट गरेकी हुन् ।
थाहा नगरपालिका-१२ तल्लो वसन्त बस्ने २७ वर्षीया सुशीला स्याङ्तानको कुटपिटबाट गम्भीर घाइते भएकी ३० वर्षीया विनिता मोक्तानलाई थप उपचारको लागि काठमाडौंको ट्रमा सेन्टर पठाइएको छ ।
छोटो लुगा लगाएर हिँडेको कुरा विनिताले अरुसँग गरेको भन्दै सुशीलाले घरमै पुगेर निर्घात कुटपिट गरेको जिल्ला प्रहरी कार्यालय मकवानपुरका प्रहरी प्रवक्ता टेकबहादुर कार्कीले बताए । कुटपिट गर्ने शुसिलालाई पक्राउ गरेर प्रहरीले अनुसन्धान थालेको छ ।
