काठमाडौं, बैशाख २०- काठमाडौंको कागेश्वरी मनोहरा नगरपालिकामा पहिलो पटक ‘कागेश्वरी मनोहरा नगरपालिका महिला क्रिकेट मैतिपूर्ण कप- २०८०’ हुने भएको छ । प्रतियोगिता नगरपालिकाको आयोजनामा बैशाख २२ र २३ गते मुलपानी मैदानमा हुनेछ । प्रतियोगिता ३० ओभरमा खेलाइने छ ।

प्रतियोगितामा २ वटा टिमको सहभागिता रहने छ । प्रतियोगितामा कागेश्वरी मनोहरा र मुन स्टार स्पोर्टस एकेडेमीका महिला टीम सहभागी हुनेछन् ।

प्रतियोगितामा विजेता टिम, उप विजेता टिम, म्यान अफ द सिरिज सर्वोत्कृष्ट ब्याट्सम्यान, सर्वोत्कृष्ट बलरलाई पुरस्कार र ट्रफी दिइने आयोजकले जानकारी दिएको छ ।

यस प्रतियोगिताले महिला क्रिकेटको विकास र विस्तारमा सहयोग पुग्ने आयोजकले बताएको छ ।