काठमाडौं । धरान उपमहनगरपालिकाका मेयर हर्क साम्पाङले प्रमुख प्रतिपक्षी दल नेकपा एमालेका अध्यक्ष केपी शर्मा ओलीलाई जवाफ फर्काएका छन् ।

चुनावी अभियानका क्रममा धरान पुगेका ओलीले एमालेले कोशीको पानी धरान ल्याउने बताएको भिडियोको स्क्रिनसट शेयर गर्दै मेयर साम्पाङले आफुलाई चुनौति नदिन चेतावनी दिएका छन् । एमाले अध्यक्ष्य ओलीले ग्यासको पाइप घर घरमा पुर्‍यएर पानी जहाजमा नेपालीलाई शयर गराउनेले कोशीको पानी ल्याउने गफ दिएको भन्दै साम्पाङले आफुले कोशीको पानी ल्याउने बताएका छन् ।

‘साम्पाङले फेसबुकमा लेखेका छन् ग्यासको पाइप घर घरमा पुराएर पानी जहाजमा नेपालीलाई शयर गराउनेले कोशीको पानी ल्याउने गफ दिएछ ! म ल्याउँछु पानी कोशीको ! धेरै चुनौती नदिंदा हुन्छ हाउडेले !’