काठमाडौं, भदौ २१- जजिरा एयरवेजले आगामी सेप्टेम्बर १६ तारिख (भदौ ३१) गतेदेखि कुवेत–भैरहवा सातामा सातै दिन उडान गर्ने अनुमति पाएको छ ।

नागरिक उड्डयन प्राधिकरणले सोमबार जजिरालाई सातै दिन उडान गर्ने अनुमति दिएको हो ।

हाल जजिराले सोमबार, मंगलबार र शुक्रबार गरी सातामा तीन उडान गरिरहेको छ ।

चाडपर्व नजिकिदैं गरेकाले यात्रु अकुपेन्सी बढेको र उडान संख्या थपेको एयरवेजले बताएको छ ।

जेठ २ गतेदेखि गौतमबुद्ध अन्तर्राष्ट्रिय विमानस्थलमा जजिराले मात्र अन्तर्राष्ट्रिय उडान गरिरहेको छ ।