Hamro Sanchar

भालुबाङमा शव फेला पर्ने क्रम रोकिएन, फेरि एक युवकको शव फेला

प्रकाशित : २०७५/७/७ गते

भालुबाङ ७ कार्तिक । देउखुरीको भालुबाङमा आज बिहान फेरि एक युवकको शव फेला परेको छ । पुरानो भालुबाङ बजार स्थीत जय माँ दुर्गा भवानी फर्निचर पछाडी राप्ती नदीको किनारमा रहेको तटबन्धको झुण्डी रहेको अवस्थामा शव फेला परेको ईलाका प्रहरी कार्यालय भालुबाङका प्रहरी निरीक्षक रबिन्द्रराज पाण्डेले जानकारी दिएका छन ।

ती युवा कहाँ को हुन् ? र कसरी मृत्यु भएको भन्ने बिषयमा अहिले सम्म कुनै पहिचान हुन नसकेको प्रहरी निरीक्षक पाण्डेले बताए । अन्दाजी ३५/४० बर्षका युवकको मृत्यु कारण बारे प्रहरीले अनुसन्धान शुरू गरेको छ ।

ती युवकको शव राप्ती नदीमा बनाईएको तार जालीको तटबन्धमा झुण्डिएको अवस्थामा शब फेला परेको छ तर स्थानीयबासीले भने हिजो राती संयुक्त युवा क्लब भालुबाङले भालुबाङमा आयोजना गरेको दशैँको कोजाग्रत पूर्णिमाको अवसरमा आयोजना गरेको बिबिध सांस्कृतिक कार्यक्रम हेर्न आएको हुन सक्ने र कसैले हत्या नै गरेको हुनुपर्ने बताएका छन् ।

यस अघि पनि भालुबाङको निर्माणधिन बसपार्क नजिक भालु खोलामा एक बृद्धको शब फेला परेको थियो । तर ती बृद्धको शव अहिले सम्म पनि पहिचान हुन सकेको छैन ।

प्रतिकृया दिनुहोस्