दोलखा, मङ्सिर २- दोलखाको तामाकोशी गाउँपालिकामा मिनिट्रकले मोटरसाइकललाई ठक्कर दिँदा एक युवकको मृत्यु भएको छ ।
तामाकोशी मन्थली सडक-खण्ड अन्तर्गत तामाकोशी गाउँपालिका १ सिस्नेरीमा मिनिट्रकको ठक्करबाट मोटरसाइकल चालक तामाकोशी १ माझीगाउँका २२ वर्षका शुशिल माझीको मृत्यु भएको हो । मोटरसाइकलको पछाडी रहेका सोही स्थानका माइकल माझी गम्भिर घाइते भएका छन् ।
तामाकोशीबाट मन्थली तर्फ गइरहेको बागमती प्रदेश ०१, ००३ क ९३५९ नम्बरको मिनिट्रकले विपरित दिशाबाट आइरहेको बा २९ प ११६२ नम्बरको मोटरसाइकललाई ठक्कर दिएको थियो ।
दुर्घटनामा घाइते माइकलको चरिकोट स्थित पशुपति चौलागाईं स्मृती अस्पतालमा उपचार हुन नसकेपछि थप उपचारका लागि काठमाडौंको ट्रमा सेन्टरमा रिफर गरिएको प्रहरीले जनाएको छ ।
मिनिट्रकका चालक रामेछापको मन्थली नगरपालिका १३ का श्याम थापालाई प्रहरीले नियन्त्रणमा लिएको छ ।
