Hamro Sanchar

१७औं बमजन गोल्ड कपका पहिलो र क्वार्टर फाईनलका खेलहरु सम्पन्न

सुरेश गुरुङ प्रकाशित : २०७५/१२/१० गते

कुवेत, मार्च २४- माउण्ट एभरेष्ट स्पोर्टिङ क्लव कुवेतले फाहाहिलस्थित सुकशवा फुटबल मैदानमा सञ्चालन गरेको १७औं माउण्ट एभरेष्ट एम.बि. बमजन गोल्ड कप फुटबल टुर्नामेण्टको पहिलो र क्वार्टर फाईनल चरणका सबै खेलहरु शुक्रबार सम्पन्न भएका छन ।

१२ सशक्त नेपाली टिमहरुले सहभागीता जनाएको गोल्ड कपको १७औं संस्करण २२ र २९ मार्चमा खेलाएर सम्पन्न गर्ने क्लवले लक्ष राखेको छ । कार्यक्रममा नेपाली राजदुतावास कुवेतका कार्यबाहक राजदुत प्रकाश मणी पौडेलको प्रमुख आतिथ्यमा सम्पन्न खेलहरुमा क्लब अध्यक्ष इन्द्र प्रसाद पोखरेलको सभापतित्व, दुतावासका श्रम-सहचारी ज्ञानेन्द्र शर्मा, क्लवका बरिष्ट सल्लाहाकार तथा गोल्ड कपका संस्थापक राजेन्द्र तामाङ, श्रीमती गीता तामाङ, गोल्डकपका प्रायोजक अमन एक्सचेन्जका प्रतिनिधी, जनजाती महासँघ कुवेतका अध्यक्ष अमृत तामाङ, एनसिसी कुवेतका अध्यक्ष सुमित्रा पौडेल र क्लवका बरिष्ट सल्लाहाकार मित्र सिंजाली मगरको बिशेष आतिथ्यता रहेको थियो भने कुवेतमा कृयाशिल विभिन्न संघ-संस्थाका पदाधिकारी, बुद्दिजिवि, पत्रकार, खेलाडी, भद्र-भलाद्मीहरूको आतिथ्यता तथा बाक्लो उपस्थिती रहेको थियो ।

बिहान १० बजेबाट खेलिएको खेलको उद्घाटन कुवेतका गोलड कपका निर्माता तथा क्लवका बरिष्ट सल्लाहाकार राजेन्द्र तामाङ र कार्यबाहक राजदुत प्रकाश मणी पौडेलले एक अर्कालाई गोल पास गर्दै गरिएको थियो । खेल रातको १०.३० बजेसम्म निरन्तर रुपमा चलेको थियो ।

कार्यक्रममा कार्यबाहक राजदुत प्रकाश मणी पौडेल, गोल्डकप संस्थापक राजेन्द्र तामाङ, एनसिसी अध्यक्ष सुमित्रा पौडेल, जनजाती महासँघका अध्यक्ष अमृत तामाङले शुभकामना मन्तव्य दिएका थिए ।

शुक्रबार सम्पन्न खेलका नतिजाहरु निम्नअनुसार रहेका छन-

पहिलो खेल: पुर्वेली टाईगर V/s के.जी.एल
बिजेता: पुर्बेली टाइेगर
स्कोर: २–०

दोश्रो खेल: मेची महाकाली V/s सुनुवार सेवा समाज कुबेत
बिजेता : मेची महाकाली
स्कोर : 3–2

तेश्रो खेल: प्रवासी टयाक्सी रातो V/s मोना म्याग्दी
बिजेत :प्रवासी टयाक्सी
स्कोर : २–०

चौंथो खेल: किरात राई यायोक्खा V/s युनिक नेपाल
बिजेता: युनिक नेपाल
स्कोर: 1–०

पाँचौं खेल: GFC V/S प्रवासी टयाक्सी निलो
बिजेता: GFC
स्कोर: ४–१

छैटौं खेल: न्यु परदेशी FC V/s सरोकार समाज
बिजेता: सरोकार समाज कुबेत
स्कोर: २–०

सातौं खेल (क्वार्टर फाईनल पहिलो): पुर्वेली टाईगर V/s प्रवासी टयाक्सी रातो
बिजेता: पुर्बेली टाइेगर
स्कोर: ५–२

आठौं खेल (क्वार्टर फाईनल दोश्रो): मेचीमहाकली V/s युनिक नेपाल
बिजेता: युनिक नेपाल
स्कोर :२–०

यसैगरी १७औं बमजम गोल्ड कपमा स्वयंसेवक तथा सुरक्षाको पूर्ण जिम्मेवारी नेपाल कुवेत सरोकार समाजले लिएको छ । खेललाई थप मनोरंजन दिन कुवेतमा मैत्रीपूर्ण फुटबल खेल खेल्न आएका नेपाली राष्ट्रिय टिमको पनि आतिथ्यता रहेको थियो भने क्लवले सम्पूर्ण खेलाडी लगायत टिम कोच, टिम म्यानेजर, क्याप्टेन लागायतलाई खादा ओढाएर स्वागत तथा सम्मान गरेको थियो । सो अवसरमा नेपाली टिमका टिम म्यानेजर तथा एन्फाका अध्यक्ष दावा लामाले मन्तव्य दिंदै माउण्ट एभरेष्ट स्पोर्टिङ क्लव नेपालको खेलकुत मन्त्रालयमा दर्ता भएको, कुवेतमा २० बर्ष लामो ईतिहास बोकेको क्लब भन्ने अवगत हुँदा खुशी लागेको र क्लवलाई एन्फाबाट जस्तोसुकै सहयोग र सहकार्य आफुले सम्बन्धित निकायमा संपर्क गरेर अगाडि बढ्ने बताए ।

क्लवका पुर्व उपाध्यक्ष अर्जुन भुषालको सञ्चालन र पुर्वअध्यक्ष तथा १७औं गोल्डकप संयोजक जय आलेको स्वागत मन्तव्यबाट मुर्तरुप लिएको टुर्नामेण्टमा अफिसियल डेस्कको पूर्ण जिम्मेवारी मगर सँघ कुवेतका दित्तिय उपाध्यक्ष तथा मेचीकाली बचत कोषका अध्यक्ष बसन्त थापा मगरले लिएका छन भने ग्राउण्ड लगायतका अन्य व्यवस्थापन जिम्मेवारी क्लबका खेलकुद बिभाग प्रमुख मोहन राइ, उपाध्यक्ष आन्द श्रेष्ठ, बरिष्ठ सदस्य जगत मगर, सचिव डम्बर रिमाल, सह-सचिव सिरेश गुरुङ लगायतले लिएका थिए भने किचेनको सम्पूर्ण जिम्मेवारी क्लवका बरिष्ट सदस्य शिवराम पौडेल र अन्य सदस्यहरुले लिएका छन । १७ औं बमजन गोल्ड कपलाई अमान एक्सचेन्ज कुवेत र हिमाल रेमिटले प्रायोजन गरेका छन ।

आगामी २९ मार्च शुक्रबारका दिन, सेमीफाईन र फाईनल खेल बिहानको ठिक ८.०० बजे सोही फुटबल मैदानमा हुनेछ भने सेमिफाईनलको पहिलो खेल पुर्बेली टाइेगरको बिरुद्द GFC र युनिक नेपालको बिरुद्द सरोकार समाज खेल्ने छन । उक्त फाईनल खेल हेर्न पनि आयोजक माउण्ट एभरेष्ट स्पोर्टिङ् क्लवल, काठमाण्डौ-कुवेतले सबै कुवेतवासी नेपालीहरुलाई अनुरोध गरेको छ ।

प्रतिकृया दिनुहोस्