Hamro Sanchar

अमेरिकामा नेपाली संचार माध्यम माथि छद्मभेषी नेपालीद्वारा आक्रमण, संचार माध्यम परिवारद्वारा घोर निन्दा

प्रकाशित : २०७५/११/२ गते

विजय थापा

फेब्रुअरी १३- अमेरिकाको डीसी महानगर क्षेत्रबाट संचालित बिधुतिय पत्रिका ईनेप्लिज द्वारा सामाजिक संजाल फेसबुक (मुहार पुस्तिका)मार्फत गरिने प्रत्यक्ष प्रसारण कार्यकमलाई अमेरिकामा रहेका छद्मभेषी नेपालीद्वारा कार्यक्रमलाई अवरोध तुल्याउने प्रयास गरिएको छ ।

नेपाली समुदायको गतिबिधि र कार्यक्रममा समर्पित समुदायमा आधारित उक्त संचार माध्यमको प्रख्यात कार्यक्रम ‘सच्चीको साथमा ‘नामक कार्यक्रमलाई आक्रमण गरिएको हो । यस प्रति उक्त संचार माध्यमको तर्फबाट यस्ता गतिविधिको घोर भर्त्सना गर्दै यस्ता तल्लो स्तरको हर्कत, काम कारवाही भबिष्यमा बिध्न वाधा नगर्न संलग्न हुने जो कोहीलाई चेतावनी दिएको छ ।

ईनेप्लिज परिवार द्वारा जारी छापा बिज्ञप्तिमा संचार माध्यमको ध्यानाकर्षण भएको जनाउदै नियतिपूर्ण गरिएको यस्ता घृणाजनक क्रियाकलापमा संलग्न नहुन र बिध्न बाधा नपुर्याउन यसै सूचना मार्फत ध्यानाकर्षण गराउन चाहन्छ भनेको छ । संचारकर्मी सच्ची मैनालीले संचालन गर्दै गरेको ‘सच्चीको साथमा’ नामक कार्यक्रमको बीच मै एनआरएनका अभियन्ताहरूसंग अन्तर्वार्ता लिने क्रममा २ फरक तर एनआरएन अमेरिकाकै कार्यक्रममा ३ पटकसम्म अवरोध पारिएको थियो ।

समुदायमा काम गर्ने संचार माध्यममा यस्तो लज्जाजनक कुकृत्य गर्ने बिशेष गरि गैर आवासीय नेपाली संघका बिषयमा तितो र सत्य श्रवण गर्नै नसक्ने पदाधिकारीका झोला बोक्ने र भजन गाउने कार्यकर्ताहरूद्वारा यस्तो निकृष्ट हरकत गरिएको हो ।

सामाजिक संजाल फेसबुकलाई प्रत्यक्ष प्रसारण हुदा हुदै तत्कालै बेनामी रुपमा उक्त कार्यक्रम समुदायको बिपरित गएको उजुरी हाली यस्तो गरिएको प्रतिबेदन (रिपोर्ट) हामीलाई प्राप्त भएको छ ।

ईनेप्लिज कि आवासीय सम्पादक संचारकर्मी सच्ची मैनालीले किन लिईरहेका छैनन् आम एनआरएनले सदस्यता ? कसरी सम्बोधन गर्न सकिन्छ यसलाई ? एनआरएन अमेरिकाको अबको आसन्न निर्वाचन निष्पक्ष हुन्छ भन्ने आधार छ ? भन्ने बिषयमा एनआरएनका अभियन्ताहरू र पत्रकारहरूसंग गरीएको अन्तरवार्ता सहितको प्रत्यक्ष प्रसारणलाई अवरोध गरिएको थियो ।

अन्तर्वाता कसरी समुदायको हित भन्दा तल्लो स्तर तथा बिपरित हुन सक्छ? जव कि ईनेप्लिज पूर्णरुपमा समुदाय कै लागि समर्पित छ ।

अन्तर्वार्ता लगत्तै मैनालीले आफ्नो व्यक्तिगत सामाजिक संजाल मार्फत धम्क्याउने र तल्लो स्तरको शब्द प्रयोग गरेर निचता प्रदर्शन गर्ने जो कोही ब्यक्ति र प्रवृत्तिहरु प्रति मेरो घोर आपत्ति भएको सार्वजनिक रुपमा बोलेकी थिइन् । उनले चेतावनी स्वरुप बेलैमा सम्हालिनु भनि चेतावनी दिएकी थिइन् ।

गैर मुनाफा सामाजिक संस्थाले अर्काको गोप्य सूचना सकलन गर्न पाइदैन र यो एक प्रकारको गैर कानुनि हो र संबेदनशील मानिन्छ । अमेरिकामा आइडेन्टिटि फ्रड र आइडेन्टिटि थेफ्ट भन्ने कुरा निकै गम्भीर बिषय हुन्छ । एउटा सामाजीक संस्थाले संकलन गरेको व्यक्तिगत डाटा प्रोपर डेटा कलेक्सन पोलिसी एण्ड प्रोटोकल (proper data collection policy & protocol) बिना संकलन भईरहेको छ । यहि कुरा उक्त कार्यक्रमबाट मैनालीले उठाउँदै आएकि थिईन ।

अमेरिकामा सर्वाधिक एनआरएनको अन्तरक्रिया गराउदै आएकी पत्रकार मैनालीले एनआरएन अमेरीकाको सदस्यता प्रकृयामा जटिल प्रावधान राखेको विषयमा एनआरएनका पदाधिकारी र सरोकारवालाहरुसंग प्रत्यक्ष कुराकानी गर्ने क्रममा अडको लगाउने प्रयास गरिएको थियो ।

यसै गरि यसै बिषयमा विभिन्न व्यक्तिहरु संग प्रत्यक्ष कुराकानी गर्दा एनआरएन अमेरिकाको कमी कमजोरी सबै ओकलेका छन् । यहाँ बिषयमा आफना फेसबुक स्टाटसमा लेख्नेहरूलाई एनआरएनका पदाधिकारीले धम्कि दिएको भनि सामाजिक संजालमा आएको छ । एनआरएन अमेरिका स्थापना काल देखि नै विवादै विवादमा छ र अझ पनि अल्झी रहेको छ भने मुद्धा पनि चलि रहेको अवस्था छ ।

मैनालीले एनआरएन सदस्यता विवादलाई सतह माथि ल्याई धेरैले यसको बिरुद्ध बोले पछि यस्ता आक्रमणहरू हुन थालेका हुन् ।

यसरी समुदायमा समर्पित पत्रिकाको कार्यकममा अवरोध गर्नु निकै निन्दनीय कुरा भएको ईनेप्लिजका सम्पादकले बताएका छन् । उनले यस बिषयमा सामाजिक संजालका प्रविधिका थुप्रै विशेषज्ञहरु संग सम्पर्क गरिरहेको जनाएका छन् । यस्ता हर्कत प्रति खेद प्रकट गर्दै समुदायको लागि समर्पित बिधुतिय पत्रिका मा आफ्नो कार्यक्रम नियमित आउने बताएका छन् । साथै सामाजिक संजाल मुहार पुस्तिकामा समूहले बनाएका संदेश अर्थात् म्यासेन्जर ग्रुपमा कुनै पनि समाचार राख्ने क्रममा यस्ता घटना देखिएकोले यस्ता समूह प्रति आशंका गरेको सम्पादक थापाले जनाएका छन् ।

राष्ट्रको तेश्रो अंगको रुपमा रहेका पत्रकार पेशामा संलग्न हामी निडर, निस्पक्ष, स्वतन्त्र भएर यस्ता संग मुकवाला गर्न तत्पर रहेका छौ भनि छापा बिज्ञप्तिमा जनाएका छन् ।

प्रतिकृया दिनुहोस्