Hamro Sanchar

Ad

दैलेखको मालिका माविका अकस्मात छात्राहरु बेहोस हुने समस्या

हाम्रो संचार संवाददाता प्रकाशित : २०७५/२/१३ गते
Ad

टेकराज केसी – दैलेखको गुराँस गाउँपालिका वडा नम्बर ८ मा रहेको मालिका माध्यमिक विद्यालयमा २ दिन यतादेखि छात्राहरुमा अच्चमको समस्या देखा परेको छ । छात्राहरु रुने, चिच्चाउने टाउको दुख्ने अनि बेहोस भएर ढल्ने गरेका हुन् । यस्तो समस्या देखा परेपछि त्यहाका स्थानिय अच्चमित परेका छन् । यस्तो समस्या छात्राहरुमा मात्र देखा परेको छ ।

‘एउटा अचम्मै देख्नु परेको छ ’ विद्यालयका प्रधानध्यापक भक्त बहादुर बस्नेतले भने– ‘यस्तो अहिले सम्म देखेका थिएनौं । घरबाट सन्चै आएका विद्यार्थीहरु विद्यालय आइसकेपछि रुने चिच्चाउने, काँप्ने र बेहोस भएर ढल्ने गरेका छन् ।’ उनले थपे ‘शुक्रबारदेखि समस्या देखिएको हो । शुक्रबार दुइजनामा भएको समस्या आज आइतबार ५ जनामा देखा परेको उनले बताए।

विद्यार्थीहरुमा यस्तो समस्या देखिन थालेपछि अविभावकको सहयोगमा गाउँपालिका स्वास्थ्य शाखाबाट डाक्टरहरु बोलाइएको बस्नेतले बताए । कक्षा ८, ९ र १० का छात्राहरुमा यो समस्या देखिएको उनले बताए ।

बिरामी पर्ने छात्राहरुमा देविसरा ओली, देविसरा डागी, प्रमीला ओली हरीकला खड्का र यमुना सुनार रहेको बताइएको छ । बिरामी परेका छात्राहरुको उपचारमा गएका धरमपोखरा स्वास्थ्य चौकीका अ.हे.व सुर्य बहादुर थापाले अहिले गर्मी अत्याधिक बढेका कारण यो समस्या देखा परेको हुन सक्ने बताए ।

उनले विरामी परेका छात्राहरु १५ बर्षदेखि माथीका रहेको र कहिलेकाँही महिनावारी गडबड भएपनि यस्तो समस्या देखा पर्न सक्ने बताए । तर उनले अहिले उपचारको लागि आफुहरुसँग केहि साधन नभएको भन्दै उपचार गर्न कठिनाई भएको बताए ।

छात्राहरुमा देखिएको यो समस्या छिट्टै समाधान गर्न विद्यालय प्रशासनले सम्बन्धीत निकायको ध्यानाकर्षन समेत बनाएको छ ।

प्रतिकृया दिनुहोस्
Ad
Ad